Ka Mihmyntdu Community Social Welfare Association (MCSWA) kawei na ki seng treimon sngewbha ha ri lum Jaiñtia ha ka 27 tarik u Kyllalyngkot kala sdang ïa ka prokram ai jinghikai kaba lai sngi lynter halor ka phang “Training on leadership and Community Development ” kaba la pynlong ha Ialong Lodge.
Ïa kane ka prokram ai jinghikai la kyrshan pisa da ka Nehru Yuva Kendra Sangathan Jowai, ha kaba la don haduh 40 ngut ki samla shynrang bad kynthei kiba la wan ban shah pyntbit ha kane kam long nongïalam.
Ha kane ka sngi la wan ban sakhi lang da u bah Donavan Rapsang, Deputy Director ka NYK Meghalaya I/C District Youth Coordinator Jaiñtia Hills ha ryngkat ka jingïadonlang u Sanatan Das, Regional Officer Youth Employment, u Raja Langstang Mr Meghalaya, ki Volunteers ka NYK, ki Dkhot ka MCSWA bad kiwei de.
U Bah Rapsang ha ka jingkren ula pynsngew ka jingai khublei ïa ka MCSWA kaba la lah ban pynïaid beit ïa kane ka prokram ai jinghikai u kyrmen skhem lyngba kine ki lai sngi ki samla kin ïoh shibun ki jingmymtoi bad ki jingshemphang.
Ula kyntu ïa baroh kiba shah hikai ba kin long kiba don ka burom akor bad kiba kohnguh ïa ki nonghikai khnang ba kin ïoh ban kheit ïa u soh ka jingjop, ula pynsngew ruh kiwei de ki District hapoh ka jylla ki la thrang shisha ban ïoh kum kane ka prokram ai jinghikai na ka bynta ka lawei ban long ki nongïalam ha ka imlang ka sahlang.
Shuh shuh ula ong ba ka jingpyndonkam ïa ka Mobile mynta ki sngi ka la long shisha kaba donkam hynrei lada pyndonkam bakla ka lah ban ïalam pynban sha ka jingsniew.
Na ka liang ki riew shemphang kiba la wan ban ai jinghikai ki kynthup ïa u Rev Dr. H.H Mohrmen uba la batai halor ka phang “Components of Leadership and Communication Skill” bad ka “Community Development through Volunteering Opportunities to the District”, Ka Merigold Papiah Adolescence Counsellor halor ka phang” Personality Development and life Skill”, U Sanatan Das Regional Employment hajrong ka phang Azadi Ka Amrit Mohotsav, U Sajeki Passah hajrong ka phang “Digital Literacy”.
La ïoh ruh ka jingkren na u samla Hameshaniah Suiam International Kick Boxing, u Raja Langstang, ïa ka jingïalang la pynïaid da ka kong Rinibeth Patlong Program Manager MCSWA .
Ha kine ki lai sngi kitei ki samla ba wan shah hikai kila ïoh lad ban pynkhuid ïa ki bynta jong ka Ialong Park haduh Madan Lariang da kaba ïaid kjat (tracking) ha ka por mynstep bad la don ruh ka jingthang born fire ha ka por janmiet nalor kiwei de ki jingpynbyrngia.
