Kum shi bynta ban pynsuk ia ka iaid ka ieng jong ki kali ha ka sngi ba don ka File Nomination jong ki kyrtong ha Sohra, na ka liang ki bor Pulit jong ka Sohra Sub Division lyngba u Sub Divisional Police Officer (SDPO), u la pyntip ba kan don ka jingpynkylla ia ka jingpyniaid ia ki kali ha kine ki sngi ba don ka Filling Nomination jong ki kyrtong jong ka 26-Shella (ST) bad ka 28-Sohra (ST) Assembly Constituency kiba hap hapoh ka Sohra Sub-Division.
Kan sa don ka jingkhang iaid kali (No Entry) na Motarliang shaduh ka ophis SDO (Civil). Yn ym shah ia ki kali ban iaid lyngba ka Sohra-Shella main road na SDO office, lait noh tang ki kali jong u H’ble Judicial Magistrate Firs Class, Sohra Court. Baroh ki kali ki dei ban iaid na ka lynti ba don shadien ka ophis u SDO.
Yn shah tang 3 (lai) tylli ki kali kiba kit ia ki kyrtong bad ki nongsynran jong ki ban rung shapoh SDO Office Sohra.
Ha Mot-Arliang Junction: Kan don ka No Entry ia ki kali kiba wan na shnong Kutmadan, JIVA Resort shaduh SDO office.
Ha PWD Office (NIIT Junction): Yn ym shah ia ki kali ban poi sha ophis SDO na PWD office junction, Mawpunkyrtiang.
Yn shah tang 5 ngut ki briew kynthup ia u kyrtong ban rung shapoh ka main gate jong ka ophis SDO. Hadien ba la dep ka Filling Nomination baroh ki kyrtong kin hap ban mih na ka lynti kaba don shadien ka ophis SDO ban poi sha Mot-arliang lane sha Pala Resort Junction.
Ha ophis SDO yn don ki Pulit ryngkat bad ka kynhun jong ki CRPF na ka bynta ban pahara bad peit ia ka iaid ka ieng jong ki kali.
U SDPO ula pyntip ba kane ka jingpyniaid kali kan treikam ha ki sngi ba don ka Filling Nomination jong ki kyrtong. Na ka liang jong u, un sa ai jingtip shwa ka por sha baroh ki ophisar jong u ba kin tip ban leh ia kaba donkam bad ma u pat un dei u nongpeit ha baroh ki liang jong kane ka jingpyniaid kali.