Ia ka tamasa kaba la tip kum ka Lukha Festiva kaba lai la sdang mynta ka sngi ha shnong Sonapyrdi, ha East Jaiñtia Hills. Ia kane ka tamasa la pynbit pynbiang da ka Sonapyrdi Tourism and Ecconomic Development Society (STEDS).
Ia kane ka tamasa la wan ban plie burom da u Principal jong ka Jaiñtia Eastern College Khliehriat, u Dr Phervision Nongtdu.
Kiwei de ki riew rangbah kiba iadonlang ha kane ka sngi ki kynthup ia u bah Vinod Lapasam, u Waheh Shnong barim jong ka shnong Cheihruphi, u Waheh Shnong Sonapyrdi, u bah Edimon Lamare, u Secretary Shnong Sonapyrdi, u bah Daiapherbha Lamare, u nongmihkhmat jong ka Star Cement, u Devander Bansal bad kiwei kiwei.
Mynta ka sngi ka la don ka jingïakop jngi, ka jingïakop king lieng, ka jingïakop shon dur, ka jingïalehkai football harud wah. Ha ka por janmiet pat ka la don ka jingïakop Miss Lukha 2023, ïa kane ka tamasa yn pynkut lashai ka sngi (Saitjaiñ).
