U National General Secretary ka BJP u Tarun Chugh mynta ka sngi ula wan poi ha Madanpynkai Nangbah shi bynta ban ïa phylliew jingmut bad ki dkhot jong ka Karyakartas na ka 3-Raliang Mandal bad kumjuh ruh ban kitbok bad ai mynsiem ïa u kyrtong ka Party u ma Lakhon Biam hashwa ban un leit sha ka Scrutiny ha ophis u Deputy Commissioner, Jowai.
Ha kane ka sngi la don ka jingïalang ba lyngkot ha katei hi ka madan, ha kaba u Tarun Chugh ula pynsngew ïa ki skim bad ki project bapher bapher kiba wan rah na ka sorkar kmie hapoh ka jingïalam jong ka BJP. Kiwei de ki nongkren kila ai ka jingkitbok kitrwiang ïa u ma Lakhon Biam bad kyrmen ba un ïoh ïa ka jingjop ha kane ka kynti jong ka jingïakhun MLA 2023.
Mynta ka sngi ha ka jingwan Scrutiny jong u ma Lakhon Biam la synran lang ïa u da ki nongkyrshan jong u naduh Jowai haduh shnong Nangbah.