Ka Nongpeit pyrman (General Observer) ba dei peit ïa ka 1-Nartiang bad ka 3- Raliang Assembly Constituency ka Madhvi Kataria, IAS mynta ka sngi kala leit jngoh bad jurip dalade ïa ki katto katne tylli ki Polling Station (PS) kiba kynthup ïa Wahiajer A bad B, Moodop A bad B, Nartiang A bad B bad ka Nangbah A bad B.
Ha kane ka jingleit jurip ka Madhvi Kataria, IAS kala bthah ban dei ban pynbha pynmiat ïa ki bynta ban kiew sha ki Polling Station bad ban buh lang ïa ki ramp bam kham pynsuk ïa kiba la tymmen bad kumjuh ïa kiba don jingduna ha ki dkhot met ba kin wan pyndep ïala ka hok thep Vote jong ki.
