Ha kane ka Elekshon 2023 ka jingbun ki Nongthep Vote ha ka 1-Nartiang Assembly Constituency ki don haduh sawphew saw hajar laispah laiphew hynniew (44,337) ngut. Ki kynthei ki don 22,516 ngut bad ki shynrang 21,821 ngut. Ki Nongialeh (Candidates) na kane ka Constituency ki kynthup ia u ma Sniawbhalang Dhar na ka Party NPP, ma Emlang Laloo INC, ma Dahun Lyngdoh UDP, ma Generous Paslein Independent, ma Rimiki Sari BJP.
Ha ka 2 Jowai Assembly Constituency ki Nongthep Vote ki don Sawphewhajar arspah phra( 40,208) ngut. Ki Kynthei ki don arphewwei hajar arspah sanphew saw (21,254) ki shynrang ki don khatphra hajar khyndai spah sanphew saw (18,954) ngut. Ki Nongialeh (Candidates) ki kynthup ia u ma Wailadmiki Shylla na ka Party NPP, ma Moonlight Pariat UDP, ma Awhai Andrew Shullai TMC, ma Allan Keith Suchiang BJP bad u ma Daniel Dan na ka INC.
Ha ka 3- Raliang Assembly Constituency ki Nongthep vote ki don lai phew phra hajar phra spah saw ngut (38,804 ngut). Ki kynthei ki don arphew hajar lai spah khatsaw (20,314) ngut bad ki shynrang ki don khatphra hajar sawspah khyndaiphew (18,490) ngut. Ki Nongialeh ki kynthup ia u ma Comingone Ymbon na ka Party NPP, ma Lakhon Biam BJP, ma J. Treilang Suchiang UDP, ma Richard Singh Lyngdoh INC, ma Robinus Syngkon TMC bad u ma Shemhok Garod PDF.
Ha ka 4-Mookaiaw Assembly Constituency ki Nongthep vote ki don haduh laiphewphra hajar sanspah hynriewphew lai (38,563) ngut yn dang don ruh sa ki Additional kiba ym duna ia ka sanspah ngut. Kumba paw ha ka E. Roll haduh ba thoh ia kane ka khubor ki Kynthei ki don haduh khatkhyndai hajar sanspah sanphew hynriew (19,556) ngut bad ki Shynrang khatkhyndai hajar hynniew ngut (19,007). Ki Nongialeh (Candidates) ki kynthup ia u ma Nujorki Sungoh na ka Party UDP, ma Nehemaya Tyngkan INC, ma Habahun Dkhar na ka NPP, ma Corentis Rabon na ka BJP bad u ma Lasting Suchiang na ka TMC.
Kat haduh ba thoh ia kane ka khubor ym pat ioh jingkheiñ ia ki Nongthep vote ha ka Additional list jong ka 4-Mawkaiew (Mookaiaw) ki don haduh shilak hynriewphew wei hajar khyndaispah khat-ar (1,61,912) ngut.