Ka Khasi Student’s Union (KSU), Thangrain Unit mynta ka sngi (11/02/2023 kala ioh ban leit noh synniang da ki pela, ki pliang bad ki tiar shet kum ki khiew, ki siang bad kiwei de ki jingdonkam ha kamra shet jingshet, sha kawei ka longïing kaba kynduh ia ka apot pluh ïing hapoh ka shnong Thangraiñ, West Jaintia Hills.
Kat kum ka khubor la iathuh ba katei ka jingpluh ïing kaba la jia kumba 7 baje por mynstep ha ka 8/02/2023 ka dei na ka daw ba lait (leakage) ka gas kumta kala bthei bad kala kem ding ha kaba kala bam lut ia ki tiar ki tar bad ki jingdon jingem baroh jong katei ka ïing.
Ka KSU ka pynpaw ka jingsngewnguh ia U Blei uba la don ryngkat bad ki mynsiem ba kordor u kpa bad ka kmie jong katei ka ïing kiba mynsaw tang malu mala hynrei khlem don kano kano ka jingjia ba lam sha ka khubor ba sngewsih.
Kumta ban pynpaw ka jingsngewlem halor katei ka jingjia ba sngewsih ia katei ka longiing na ka liang ki Nongialam bad ki Dkhot ka KSU Thangraiñ Unit kila leit ban iarap sngewlem iakatei ka longiing hynnen ka sngi.