Ka Hynñiewtrep National Youth Front (HNYF), West Jaiñtia Zone mynta ka 15 tarik u Rymphang kala ïoh ban bat ïa u Challami Phawa uba naka shnong Ialong WJHD u ba la kular ban thung kam ïa ki briew hapoh ka tnad PWD da kaba ula dawa pisa na ki khnang ba kin ïoh ban rung kam hapoh ka tei ka office.
Hadien ba ka seng kala ïoh ïa ki jingujor na ki ar ngut ki briew ba shah dawa pisa, kila wad ki lad ki lynti khnang ban ïoh kem ïa u tei u briew bad hadien ka jingïakynduh ïa utei u briew na ka liang jong ka seng kala shim ïa ka rai ba u dei ban siew noh ïa ka pisa jong ki tei ki briew kaba kot T75,000/- (Hynñiew phew San hajar) tyngka kaba ula shim na ki da kaba ai por hapoh artaïew ha ryngkat ka soskular (agreement) bad lada um lah ban siew hapoh katei ka por ba la buh na ka liang jong ka seng bad kitei ki briew kin leit ban ujor da ka FIR pyrshah ïa utei u briew.
Ha ka juh ka por ka seng ka kyrpad jur ïaki paidbah ba kim dei ban ngeit ïa kum kine ki briew kiba shukor bad kular ban pynioh kam sorkar. Bun sien ruh ka long kaba eh wat ïa ka tnad Pulit ban shem ïa kum kine ki briew ba kular ai kam la pynkut ka kyrwoh na u President ka seng u H.W. Sutong.