Ka ophis jong u Deputy Commissioner, West Jaiñtia Hills District, ha ryngkat ka jingïatreilang bad ka ophis jong ka District Sports Officer, West Jaiñtia Hills District, Jowai kin pynlong ïa ka ‘Run for Democracy’ shi bynta na Election jong ka Meghalaya Legislative Assembly (MLA) 2023.
Ia kane ka jingïamareh yn pynlong ha kane ka 20 tarik Rumphang, 2023 ha ka por 6 shiteng na ka bynta ki shynrang bad kynthei (open category), kaba yn sdang naduh main Gate Kiang Nangbah Stadium (starting point) bad mareh na Ladthadlaboh Main Road – New Hill – Iawmusiang – D.C Office – Mynthong – Jrisaleiñ – H.K. Singh – Upper Chutwakhu – Mission Compound – Iongpiah – Dulong – Tpep-Pale – Wah Nangbah – Iawmusiang – pynkut biang ha Kiang Nangbah Stadium (Finishing point).
Ïa ki kyrteng jong ki nongïashim bynta lah ban ai ha katei hi ka sngi ha Kiang Nangbah Indoor Stadium, Jowai ha ka por 5 shiteng mynstep.
Ha ka juh ka por ka ophis jong u District Sports Officer, ka khot ïa kino kino napoh ka West Jaiñtia Hills District kiba don jingmut ban ïashim bynta ki lah ban wan sha kane ka jingïamareh, la pyntip ruh ban yn sam ruh ïa ki khusnam sha ki nongjop da ka song pisa.