Ka ophis jong u Deputy Commissioner (Election), West Jaintia Hills District kan sa pynlong ia ka prokram SVEEP (Systematic Voter’s Education and Electoral Participation) ha ka 20.02.2023 ha ka jaka pynïeng kali jong ka Seiñraij ha Stand Ummulong, Jowai.
Ia kane ka prokram yn pynlong ha ka por 5:00 janmiet. Ka jingthmu jong kane ka prokram ka long ban ai jingshai bad ha ka juh ka por ban pynshlur ia ki nongthep vote ha shwa ban poi ka jingthep vote MLA ka ban sa laong ha ka 27.02.2023.
Ha kane ka prokram yn sa don ka jingpynbyrngia ban shim bynta da ki kynhun tem, ki nongtem nongput tynrai bad ki nongshad bapher bapher, kumta na ka liang jong ka ophis u DC (Election), West Jaintia Hills, ka khot sngewbha ia baroh ban poi sha kane ka prokram.
