Ban shemphang ia ka jingtreikam jong ka Raj Bhavan, Shillong u Lat ba dang shu dep thung thymmai jong ka jylla Meghalaya u Phagu Chauhan mynta ka sngi ula pynlong ia ka jingiakynduh lang jong baroh ki nongtrei bad ki ophisar jong kane ka jaka treikam jong u ha nongbah Shillong.
Ha ka jingiakren bad iasyllok bad ki nongtrei na ka liang jong u Lat ka jylla ula pynpaw ia ka jingsngewtynnad ban tip shaphang bun kiei kiei kiba don hapoh ka jylla Meghalaya kiba kynthup ia ka ioh ka kot, ka roi ka par bad kiwei de. U Chauhan ula kdew ia ka bynta bad ki jingkitkhlieh jong ka Raj Bhavan ha kaba ula kyntu ia baroh ki nongtrei ba kin long kiba don ka jingiatreilang bad ka jingkut jingmut khnang ban wanran ia ka jingtreikam kaba iaid beit iaid ryntih hapoh ka Raj Bhavan bad ban wanrah ia ka bha ka miat ia ki nongshong shnong bad ka jylla hi baroh kawei.