Ka Ministry jong ka Information and Broadcasting ha ka jingthmu ban kynkiew ia ka jingnang jingstad bad ia ka jingshemphang ha ka liang ka Animation, Visual Effect bad ki jingialehkai (Gaming) kum shi bynta ban wanrah ia ka ioh kam ioh jam jong ki khun samla ka thaiñ ha ka liang jong ka Media bad Entertaiment, dang shen kala ia soi soskular bad kawei na ki Software Company ka AutoDesk na ka bynta ban ai jinghikai ia ki khun samla jong ka thaiñ shatei lam mihngi halor ki jingdro dur 3D Animation.
Na ka liang jong North Eastern Council (NEC), Government of India, kala pyllait ia ka pisa na ka bynta kane ka program ban pynbiang ia ka bam ka dih, ka jaka sah bad ruh ban pynioh laptop sha kiba shah hikai.
Kane ka prokram ka kynthup 6 bnai ka jingaihikai bad 2 bnai ka jinghikai ban pynioh kam. Ia kane ka jingai jinghikai yn pyntrei hapoh ka National Film Development Corporation kaba dei ka tnad jong ka Ministry of Information and Broadcasting bad ka dei ka tnad ai jinghikai hapoh ka Ministry of Skill Development and Entrepreneurship, Government of India. Ia kane ka training yn pynlong ha nongbah Delhi ka ban sdang naduh u bnai Lber 2023.
Ia ki jingtip ba kham bniah lah ban ioh na ka website https://skill.nfdcindia.com/Specialproject/Programin3DAnimation.