Mynta ka sngi u IG jong ki BSF Meghalaya Frontier u Pradip Kumar, IPS ula shah khot ha u Lat ba thymmai ka jylla u Phagu Chauhan ha Raj Bhavan ha nongbah Shillong na ka bynta ban ioh jingtip halor ka jinglong jingman ki kam khappud ka jylla bad ka ri Bangladesh.
Ha kane ka jingiakynduh na ka liang jong u IG ki BSF ula batai ia u Lat ka jylla halor shibun ki kam kiba iadei bad ka jingai jingiada ia ki bynta khappud. U Kumar ula iathuh ruh ia ki jingtreikam kam jong ki shipai BSF ha ka ban wanrah ia ka jingshong shngain ha ki bynta khappud, ban iada na ki kam sniew bad kiwei de ki jingeh ba mih na ki khappud hapdeng ka India bad ka Bangladesh.
