Ha kaba ïadei bad ka General Election sha ka Meghalaya Legislative Assembly 2023, na ka liang u District Magistrate & District Election Officer, West Jaiñtia Hills District, ula pyntip paidbah kumba ka sorkar jylla kala pynbna ba ka 27 tarik u Rymphang, 2023 kan dei ka sngi shuti khnang ba ki nongthep vote kin ïoh ban leit pyndep ïala ka hok, kan dei ruh ka sngi shuti kaba ki nongtrei kin ioh hi iala ka bainong.
La pyntip baroh ki tnad sorkar hapoh ka District, kumjuh ki jaka pule ki dei ban khang khyrdep ha katei ka sngi 27 tarik u Rymphang. Na ka bynta kito kiba trei ha ki karkhana kiba hap hapoh ka N.I. Act, 1881, ki nongshong dukan, kiba trei kynta, kiba trei nongsngi kumjuh kiba trei shabar jong ka Constituency ki dei ban ïoh bai nong (Paid Holiday) na ki nongai kam, wat lada kim lah ban poi sha ka jingtrei na ka daw jong ka jingleit thep vote.
Halor kane u District Election Officer ula kyntu ïa baroh ki nongthep vote jong ka District ba kin mih sha khmat bad shim bynta lang ha kaba ban leit thep ia ka vote jong ki ha katei ka sngi.