Ki don haduh 151 tylli ki kynhun (Polling Parties) kiba la buh hapoh East Jaiñtia Hills District na ka bynta ban pyniaid beit pyniaid ryntih ia ka elekshon jied nongmihkhmat (MLA) lashai ka sngi ka ban sdang naduh ka por 7:00 mynstep bad kut haduh ka por 4:00 janmiet.
Ki kynhun jong ka 5-Sutnga Saipung (ST) Assembly Constituency bad ka 6- Khliehriat (ST) Assembly Constituency ha ryngkat ki Electronic Voting Machines (EVMs), Voters Verifiable Paper Audit Trails (VVPATs) bad kiwei de ki tiar elekshon ba donkam kila mih na nongbah Khliehriat mynta ka sngi ban leit shala ki jong ki jong ki polling station jong ki.
Napdeng kine ki 151 kynhun, kila don 11 kynhun kiba la mih lypa naduh hynnin ka sngi (25/2/2023), namar ki jaka thep vote ba ki dei ban leit ki don sha kyndong eh jong ka District.
