Mynta ka sngi ha ka por kumba 3 duna ei ei janmiet ka ding kaba klang kala ioh ban bam ia ki bynta jong ka ïawpynsing kaba dei ka iew jong ka shnong Wahiajer kaba don mar syndah bad ka shnong Ummulong bad ha kane ka jingpluh ding kumba 80 tylli ki dukan kila julor khait.
Mar sien jia kane ka jingpluh ding tang hadien shiteng kynta eiei ki pulit pyllip ding kila wan poi na Jowai ban tem ïa katei ka ding kaba dang klang, bad khang lad ba kan nym ïoh ban pur sha kiwei de ki dukan (trep) ba marjan.
Katkum ka khubor ba la ïoh lum la ïathuh ki trep ïew kiba shah bam lut ha ka ding ki kynthup ïa ki dukan die wait, Mohkhiew, dukan die dohsyiar, dukan Supari nalor kiwei de.
Kum ban shu pynkynmaw ba dang ha u snem ba la dep kane ka ïew Pynsing kala mad ïa ka jingpluh ding bad ka la don ka jingduh nong kaba khraw jong ki trai dukan. Kane ka ïew ka dei kaba la pynïaid da ka Market Committee jong ka Dorbar Shnong Wahiajer, West Jaiñtia Hills District. ïa ka daw jong ka jingpluh ding ym pat lah ban tip haduh ba thoh ïa ka khubor.
