Ka jingialehkai jong ka 76th Santos Trophy kala poi sha ka Final ha kaba ka Meghalaya kan iakhun pyrshah ia ka Karnataka lashai ka sngi. Ia kane ka jingialehkai final yn pynlong ha madan ialehkai King Fahd International Stadium kaba don ha Riyadh, Saudi Arabia.
Na ka liang ka tnad Sport & Youth Affairs ha ka jingiatreilang bad ka Dorbar Shnong jong ka Laitumkhrah bad ka Mawlai Sports Club, Shillong kin sa pyni da ka Live Streaming ia kane ka jingialehkai da ki Giant Screen ha Madan Iewrynghep, Laitumkhrah bad ha Madan Heh Stadium, Mawlai Phudmuri lashai ka sngi (4/3/2023) naduh ka por 9:00 PM shaneng.
Ia kane ka juh ka Live stream lah ruh ban peit ha ka Giant Screen jong ka DIPR kaba don ha Police Bazar bad ha Iew Rynjah, Shillong.