Na ki daw bym kiar, la pyntip sha ki parakur Dkhar bad ki riew paidbah baroh ba ia ka fete bad ka jingpyniakhalai ia ka Lucky Draw jong ka Seiñ Kur Dkhar East Jaintia Hills District kaba la buh ban long ha ka 11 tarik u Lber, 2023, la hap noh ban pynsangeh noh shwa ia katei ka tarik. Kumta, ia ka tarik kaba thymmai ha kaba yn sa pynlong ia katei ka fete bad ka Jingiakhalai Lucky Draw jong ka Seiñ Kur Dkhar East Jaintia Hills District, yn sa pyntip kloi hapoh kine ki khyndiait sngi, hadien ba ka Executive Committee jong ka Seiñ Kur Dkhar East Jaintia Hills District ka la dep ban iashong pyrkhat kam.
Kumjuh ruh, la pyntip sha baroh ba ka jingpyniaid ia ki Ticket Lucky Draw kan iaid beit iaid ryntih hi shait shait kumba ju iaid, bad la kyrpad ruh ia kito ki para kur bad ki paralok ki bym pat dep pyniaid lut ia ki Ticket Lucky Draw ba kin sngewbha ban pyniaid kloi ia ki, khnang ba yn ioh ban pyniakhalai ia ki ha katei ka tarik ba thymmai ha kaba yn sa pynlong ia katei ka fete jong ka Seiñ Kur Dkhar East Jaintia Hills District.
Kane ka long kat kum u kyrwoh ba la phah da u Teras Dkhar, President ka Seiñ Kur Dkhar East Jaintia Hills District.