Ka Sengkhihlang kumba ka ju long ha manla u snem kan pynlong biang ïa ka Lympung jong ka mynta u snem hadien ka jingpep jong ka Lympung jong ka ha kine ki 2 snem na ka daw jong ka jingwan ka khlam COVID-19.Mynta u snem ka Sengkhihlang ka wan ban pynap pynsngew sha ki khun ka Bri u Hynñiewtrep Hynñiewskum na ka Ri 12 Daloi bad ki 30 Syiem ba ka Lympung ba 33 jong ka Sengkhihlang kan long mynta u snem ha ka Sengkhasi Tyrsad kaba hap hapoh ka East Khasi Hills District bad kaba jngai na ka Nongbah Shillong tang hapoh 40 Kilometres.Ïa kane ka Lympung paidbah yn pynlong ha ka 16/04/2023 kaba dei ka sngi ban pynkut ïa ka hynrei ïa Kane ka Lympung yn sdang naduh ka 14/04/2023.Kumta ka Sengkhihlang ka khot ka wer ïa baroh ki President/Secretary na ki tnad Seng Khasi bad Seiñ Raij bapher bapher bad kumjuh ruh ïa Nongïalam Niam ki Daloi/ Langdoh/ Syiem ban ïawan sha kane ka Lympung. Ïa u Mawbynna Sahnam jong kane ka Lympung ba 33 ka Sengkhihlang yn wan rah ïa u na ka Seiñ Raij Narwann naEast Jaiñtia Hills District, pynkut ka kyrwoh ba la phah da u Rgh, S. Sari Publicity Secretary Sengkhihlang.