Ka JSM ha ka jingiadonlang jong u Bah Jimmy R. Kharmuti, Working President JSM, CB bad u Bah Pillarstone Phawa, Chief Organising Secretary JSM, CB bad u Bah Ribok N. Biam President JSM, WR ryngkat bad ki dkhot ka JSM kila leit ban ia kynduh ia u Deputy Commissioner Jowai, West Jaintia Hills District ban ai da ka jingthoh sha u Chief Minister, Sorkar Jylla Meghalaya u Conrad K. Sangma bad sha u Minister ka Border Areas Development Department u Rakkam A Sangma ban dawa jur na ka Sorkar Jylla Meghalaya ban pynurlong noh ia ka rai jong ka Cabinet Minister ha ka 29/11/2022 ban buh noh da ka Border Outpost Police (BOP) ha ka Shnong Mukroh ha ryngkat ka jingmynjur lang jong ki nongshong Shnong ka Shnong Mukroh khang ban ai jingshngaiñ bad jingiada ia ki paradoh parasnam kiba shong ha ki thaiñ Border bad baroh kiwei pat ki Shnong Border ba don ki jingma khnang ba ki briew kin im suk im sain.
Ha ka juh ka por kine ki Nongialam ka Seng ki la ong ba ka jingkam jong u Myntri Rangbah ka Assam ba ka Shnong Mukroh ka hap hapoh Assam kan wanrah ia ka jingma bad jingshong syier ia ki nongshong Shnong jong ka Shnong Mukroh, te na ka liang kine ki Nongialam ki la ong ba kin iaid katkum ka Riti shynshar khadar ka Ri India ban dawa ia ka hok jong baroh ki paradoh parasnam ba don ha ki thaiñ Border bad ruh ban iada ia ka khyndew ka shyiap jong ka jaitbynriew bad ki kyrmen ruh ba ka Sorkar Jylla kan shim kloi ia ka rai ban ai jingiada ia barok ki jaka badon ka jingshong syier bad shah klun khlem nongrim na ka Sorkar Jylla Assam.
Kine ki Nongialam ki la ong ba kin ap ia ka rai ka Sorkar Jylla khnang ba kin lah ban shim pat da kiwei pat ki rai ban im rasong ka jaitbynriew bad ki pateng ba wan.