U Deputy Commissioner (Supply), East Khasi Hills District u la pyntip paidbah ba ia u khaw hapoh ka skhim NFSA, Non-NFSA bad ia u Ata na ka bynta u bnai Lber la pyllait lyngba ki dukan Rashon (Fair Price Shops) ha ki shnong bapher bapher hapoh ka District.
Ia u khaw NFSA yn wan ha ka jingthew kaba 35 kg kawei ka AAY Card bad 5 Kg shi khlieh ha ka dor ia ki PHH, katba ia u khaw Non-NFSA yn sam ha ka jingthew kaba 7.215 Kg shi ïing ha ka dor Rs.12.70/- haduh Rs.13.00/- shi kg.
Ia Ata yn sam ha ka jingthew kaba 5 Kg kawei ka Card ha Sor bad 3 Kg kawei ka Card ha ki thaiñ nongkyndong ha ka dor 10.50 shi Kg.
La bthah ia baroh ki Fair Price Shops ba ki dei ban sam noh mar mar ia kine ki mar bad ki dei ruh ban pyni ia ka list jong ki nongbam Rashon bad ka por ban plie ia ki dukan jong ki. Na ka liang u Deputy Commissioner (Supply) u la kyntu ia baroh ki nongioh bynta jong ka skhim NFSA ba kin sngewbha ban pynpoi ia ki Aadhaar Number jong ki sha ki dukan die Rashon jong ki, na ka bynta ka jingiaid beit ka jingpyndonkam ia ka e-POS machine.
Lada don kano kano ka jingduna ka jingpynpoi ia kine ki mar ne ka jingsam ia ki mar kiba sniew dei ban pyntip mar mar sha ka ophis jong u Deputy Commissioner (Supply), East Khasi Hills District, Shillong.