Ka dorbar shnong Pdengshakap kaba pyniaid ia ka jingialehkai football jong ka ia kaba la tip kum ka 9th Secondary School football knock-out Tournament, 2022-23, ha kane ka sngi Saitjain bala dep kala ioh ban pynialehkai ia ka semi-final ba ar hapdeng ka Umsalait SC pyrshah ia ka One soul utd (Pdengkarong), ha kaba ka Umsalait SC kala jop ia ka One soul utd (Pdengkarong) da 5-1.
Ha ka jingialehkai ka Umsalait SC kala ioh nyngkong ban pynkhih ia ka jar lyngba u Arnes Marwein ha ka 7 minit, la pynbud pat sa u Phrangki Buam u ba la khyrwit lai kol marwei ha ka minit kaba 37, 44 bad 63 bad ia ka kol kaba khadduh la thep da u Bhaki Rymbai ha ka minit kaba 87.
Katba ia ka shikol jong ka One soul utd (Pdengkarong) pat la thep da u Marshial Nongrum ha ka minit kaba 63. Te na ka liang jong ka Tournament committee ka pynbna ba ka jingialehkai final kan long ha ka 1-April-2023, hapdeng ka Tariang FC pyrshah ia ka Umsalait SC ha ka por 1 baje nohphai sngi.
Te sa shisien ki nongpyniaid ki khot bad wer lang ia ba roh ki pait ieit football jong ka thaiñ ban wan sakhi lang ia kane ka jingialehkai final. Kane ka long katkum na u kyrwoh bala phah da u Sports Secretary bah Oriswell khyriem.