Ka ophis treikam jong ka District Mission Coordinator, SSA West Jaintia Hills ha ka thong ban kyntiew ia ka pule puthi hapoh ka District kat kumba la buh thong bad pruid dak ha ka RTE Act 2009, ha ka 20 tarik Lber ka la pynlong ia ka prokram ai jinghikai kyrpang na ka bynta ki Principal, Headteacher jong ki skul ha Inclusive Education Resource Centre (IERS), Mihmyntdu.
Ka thong jong kane ka prokram ka long ban pynshai bad pynsngewthuh ia ki Principal, Headteacher jong ki skul shaphang ka kamram ki bor peit bor pyniaid jong ki skul ha ka jingiadei bad ki khynnah ba don jingduna ha ki dkhot met (CWSN) bad ruh kyrpang shaphang ki Hok jong ki khynnah kat kam ka RPWD Act 2016.
Ki riewstad riew shemphang ka SSA West Jaiñtia Hills ba kynthup ia ka Mary G. Momin, Block Resource Person, IE ryngkat u L.K. Singh, Coordinator IE, SSA-West Jaiñtia Hills ki la kren bad batai shaphang ka Inclusive Education bad ruh ia ki 21 tylli ki jait jingpang kiba pynhap hapoh ka aiñ RPWD Act 2016.
Kane ka prokram ai jinghikai ne Training kan dang bteng shuh ha ka 21-22 tarik Lber da kaba pynlong ïa ka 2 Days Teacher Need Analysis Training on Inclusive Education katba ha ka 23 tarik pat kan don ka Orientation Programme for Parents/Guardian of CWSN on Inclusive Education.
