Ha ka kynta kylli jingkylli kaba la long mynta ha ka sngi shong Dorbar Mang tyngka ba Saw jong ka ïing Dorbar Thaw-aiñ ka jylla, na ka liang u Deputy Chief Minister ka jylla u bah Prestone Tynsong ula pynthikna ba yn kyntiew kyrdan noh ia u surok NH-06 sha u 4-lane naduh na Mawrynkneng haduh ban da poi sha Malidor.
Ia kane u bah Prestone ula jubab ia ka jingkylli ba la wanrah da ka kong Santa Mary Shylla, MLA jong ka Sutnga-Saipung Constituency. U bah Prestone ula iathuh ba ka kaiphot jurip ia ka jingpynheh ia u surok bah NH-06 naduh na Mawrynkneng haduh Malidor kala dep leh, bad mynta ka dang iaid ka jingpynkhreh ia ka Detail Project Report ka dang iaid shait shait. Mar sien dep ka jingpynpynkhreh ia ka DPR kane ka kam kan sa iaid noh.
Na ka liang ka kong Santa Mary Shylla kala buh ruh ka jingkyntu ia ka sorkar ba kan shimkhia ban pynkloi noh ia kane ka kam.