Mynta ka sngi ka 29 march 2023 ka EJNC (East Jaintia National Council) lyngba u President rangbah jong ka u Sambormi Lyngdoh u la pynpaw ia ka jingkyrshan ba pura bad ka issue ba wanrah da u Bah Ardent Basaiawmoit ba ka la dei eh ka por ban “Review noh ia ka Reservation policy kaba noh shiliang palat haba phai sha ka por kaba mynta” bad ia ka roster system ruh hap ban pynsangeh shuwa. U la bynrap ruh ba ka Khasi Jaintia mynta haba ianujor bad kiwei ki paid hapoh ka bri hynniewtrep kala bun palat te ym iahap shuh ban ia ai mar katjuh.
U President ka EJNC ula pynrem ruh ia ki Sengbhalang napoh rilum Garo ha kaba iadei bad ka bhah kam bhah jam kaba ka jingmut ka jong ki ka long beit tang na ka bynta ka jingmyntoi shimet jong ki, khlem pyrkhat shuh ia ka jylla hi baroh kawei.
Khatduh u bah Sambormi u la kyntu ruh ia baroh ki 36 ngut ki MLA ban ialong kawei khlem da ia kdewkti uwei ia uwei bad ban pyrkhat khamtam na ka bynta ka lawei jong ka jaitbynriew.