U Lat (Governor) jong ka jylla Meghalaya, u Shri Phagu Chauhan, mynta ka sngi u la wan ban jngoh ia ka Durga temple kaba don ha shnong Nartiang, West Jaintia Hills District. La pdiang sngewbha ia u Lat da u Deputy Commissioner (DC) ka West Jaintia Hills District, u bah B. S. Sohliya bad u Superintendent of Police (SP) West Jaintia Hills District, u Bikram D Marak.
Ha kane ka jigwan jngoh jong u Lat ia katei ka temple la don lang ruh ki heh na ka District Administration, Police, ki nongpeit ia ka temple kumjuh ruh ki trai shnong, ki ophisar na ki Department bapher bapher jong ka sorkar, ki khynnnah skul jong ka Ram Krishna Mission Secondary School, Nartiang.
Hadien ba la dep ban jngoh ia katei ka temple u Lat ka jylla u Phagu Chauhan, u la leit peit ruh ia ka kper jong ki Mawbynna ne ki Monoliths kiba don ha kane hi ka shnong Nartiang. Hadien kane pat u la leit sha ka ka ophis jong ka Soil and Water Conservation Rest House ha Jowai na ka bynta ka bam ka dih bad pynlong ia ka jingiakynduh bad ka jingiakren bad ki sahep sorkar jong ka District, hadien kane u Lat u la leit phai noh sha Shillong.
