Hadien ba la ioh jingujor na ki paidbah ka thaiñ halor ka jingdkhoh treikam ka CHC Namdong ha ka 6 tarik mynta u bnai ka Khasi Student Union Namdong Area Unit ha ka jingialam u Adhoc President samla Kitboklang Lamare bad u General Secretary samla Juhhi Tariang bad katto katne ngut ki dkhot
Ki la leit kynduh bad buh jingthoh halor ba ka tei ka CHC kam lah shuh ban pdiang ia ki nongpang ban shah sumar namar ba ym don um ka CHC Namdong la shi bnai shiteng mynta
Halor kane ka seng kala pynpaw ba kam sngew lah ban pdiang ba kat ka CHC kam don ia u motor tan um uba biang kala leit ban ia kynduh bad u DM&HO u Dr. K. C. Ajar
Haba iakren bad u DM&HO u la kular ban shimkhia ban pynbiang hapoh shitaiew bad na ka liang ka seng kala kren shai ba lada ym lah ban pynbiang um ne pdiang ia ki nongpang kam banse ban khangtala lane shim da kiwei pat ki sienjam ia kane ka CHC bad kiba dei peit kin hap shim ia ka jing kit khlieh.
Ka seng kala ioh ruh ban pynsngew sha u DM&HO halor ka jing bym biang por ki nongtrei kum ki chowkidar, pharmacist, bad kiwei ban poi sha ka jingtrei hapoh katei ka CHC.
Kane ka long katkum ka kyrwoh khubor ba la pyllait na u samla Juhhi Tariang, General Secretary, Namdong Area Unit.