Da phew tylli ki jait sim Pukni ne ki Vulture ha ka ktien phareng kila wan poi ban shong thait bad bam jingbam haruh jong u surok bah Jowai-Dawki hajan lad Demthring, kine ki sim kila wan ha kane ka jaka la lai saw sngi ha kane ka jaka, katkum ka jingiathuh jong ki briew kiba shong ha kane ka jaka kila iathuh kine ki sim ki juh wan manla u snem ha kane ka jaka ha une u bnai Iaiong.
Ha ka jingiadei bad kane ka jingwan poi kine ki jait, na ka liang ka tnat Wildlife, khnang ba ki briew kin ym pynthut ne pyniap ia ki, ka tant wildlife ka la buh ia ki nongap pahara ban iada ia kine ki sim katba ki dang don ha kane ka jaka. La iathuh ba kine ki jait sim ki dei kiba wan iaid lynti na kiwei pat ki ri jong ka pythei bad kane ka jingwan poi jong ki ha kane ka jaka kin neh ne sah tang katto katne sngi bad kin leit her pat sha kiwei pat ki jaka.
