U Lat jong ka Jylla u Phagu Chauhan mynta ka sngi ula wan sakhi lang ia ka Shad Suk Mynsiem kaba la pynlong ha madan Weiking, Jaiaw, Shillong. Ha kane ka tamasa la iadon ryngkat ruh u Deputy Chief Minister ka Jylla u bah Prestone Tynsong, u MLA ka VPP u bah Brightstarwell Marbaniang, u MLA barim bah Samlin Malngiang nalor kiwei de.
Ka tamasa Shad Suk Mynsiem kaba la sdang naduh ka 8 tarik bad kala poi sha kaba kut mynta ka sngi (10.04.2023). Da ki hajar ki nongiashim bynta naduh ki shynrang bad ki kynthei kila wan ban pynphuh pynphieng ia kane ka jingshad ainguh aidem.
