U Deputy Commissioner (Supply), West Jaiñtia Hills ula pyntip ba ïa u khaw rashon na ka bynta ka bhah jong u khaw NFSA (AAY & PHH) bad u Non-NFSA jong u bnai Ïaïong, 2023 la dep ban pyllait sha baroh ki wholesale na ka bynta ban pynpoi sha baroh ki dukan die rashon haduh ka 21 tarik mynta u bnai.
Ïa ka bhah u khaw Antyodaya Anna Yojna (AAY) yn sam ha ka jingthew kaba 35 kg kawei ka AAY FI Card, ka bhah u khaw Priority Household (PHH) yn sam ha ka jingthew kaba 5 kg shi khlieh khlem donkam jingsiew ha sor bad ha nongkyndong. Katba ïa ka bhah jong u khaw Non-NFSA kan long 7.215 kg shi khlieh ha ka dor kaba la buh da ki Vigilance Committee ka bym dei ban palat ia ka dor T.14/- shi kilo kiba ha sor bad nongkyndong.
U Deputy Commissioner (Supply) ula kyntu ïa baroh ki dukan die rashon (Fair Price Shop dealer) hapoh ka District ban leit shim ïa ki permit jong ki na ka ophis treikam u DC (Supply) bad ban sam pyndep ïa u khaw hapoh ka 10 tarik u Jymmang, 2023 da kaba pyndonkam da ka online e-Pos machine.