Ka jingïalehkai phutbol na ka bynta ki khynnah shynrang bad kynthei kaba la tip kum ka “Chief Minister U-12 Open Football Tournament 2023”, ba la pynlong da ka ophis jong u District Sports Officer, West Jaiñtia Hills District, Jowai na ka bynta ka Namdong Block kala poi noh sha ka jingïakhun phainal mynta ka sngi.
Ha kane ka jingïakhun phainal ha ka liang ki khynnah kynthei ka Moosachram Govt. L.P School Namdong kala lah ban pynliem da 3-0 kol ïa ka Krasslibert English School Moobakhon da ka jingïashut Tie Breaker. Katba ha ka liang ki shynrang ka Namdong SC (A) kala pynliem da 4-0 kol ïa ka kynhun ïalehkai jong ka Moosachram Govt. L.P School Namdong.
Ïa ki khunsam sha ki nongjop la sam da u kongsan jong kane ka sngi u ma P. Ksoo Assistant Waheh Shnong Namdong ha ka jingdonlang u DSO ma K. Passah, President Sports Club Namdong ma B. Sungoh, ki nonghikai nalor kiwei kiwei de.
La pynïaid ha kane ka lympung “Chief Minister U-12 Open Football Tournament 2023” kiba jop na ki Block Level kin ïoh mihkhmat sha ka District Level bad kiba jop na ka District Level kin leit ban mihkhmat sha ka State Level.
