U SP jong ka West Garo Hills District u Vivekanand Singh ula pyntip paidbah mynta ka sngi ba la don u wei u samla briew bym lah ba tip ia ka kyrteng bad jaka sah ia u ba la wan ban buh ha Dalu CHC da ki katto katne ki nongshong shnong ka Rengrampara hapdeng ka jingbymtip briew ha kaba la pynkit noh ia u sha Tura Civil Hospital, ula khlad noh na kane ka pyrthei ha ka 8.4.2023.
U SP ula iathuh ba la suba jur ba une u samla uba don ha ka rta kaba 18-25 snem u dei napoh Bangladesh. Ia une u samla la lap da ki katto katne ki briew ha ka 6 tarik mynta u bnai ha ka por kumba 1:15 AM, katba u dang thiah lyngktar ha rud surok khlem ka jingtip briew shuh.
Kumta ha kaba iadei bad kane na ka liang jong u SP ka West Garo Hills ula kyntu ia kiba ha ïing ha sem ne kino kino kiba don jingiadei ba ki dei ban wan shimti ia kane ka met iap na Tura Civil Hospital hapoh 72 kynta naduh bala pynmih ia kane ka khubor.
Kiba don jingiadei bad katei ka met iap ki lah ban phone sha Tura Civil Hospital lane phone ha kine ki number: 6009308862 jong u CI-cum-OC jong ka Dalu PS bad ha ka number 8837423053 jong ka Tura Police Control Room.