Ka jingïalehkai phutbol na ka bynta ki khynnah shynrang bad kynthei kaba la tip kum ka “Chief Minister U-12 Open Football Tournament 2023”, ba la pynlong da ka ophis jong u District Sports Officer, West Jaiñtia Hills District, Jowai na ka bynta ka Thadlaskeiñ Block kala poi noh sha ka jingïakhun phainal mynta ka sngi.
Ha kane ka jingïakhun phainal ha ka liang ki khynnah kynthei ka Mukhla Grassroot Centre kala lah ban pynliem da 3-0 kol ïa ka Moodymmai Sporting Union. Katba ha ka liang ki shynrang ka Ummulong Grassroot Center kala pynliem da 1-0 kol ïa ka kynhun ïalehkai jong ka Sabahmuswang SC.
Ïa ki khunsam sha ki nongjop la sam da u kongsan jong kane ka sngi u ma H. Shylla President Raij SC, haka jingdonlang u ma T. Phawa Waheh Shnong Sabahmuswang, u DSO ma K. Passah, ki nonghikai nalor kiwei kiwei de.
Kum ban shuh pynkynmaw ba ha kane ka lympung “Chief Minister U-12 Open Football Tournament 2023” kiba jop na ki Block Level kin ïoh mihkhmat sha ka District Level bad kiba jop na ka District Level kin leit ban mihkhmat sha ka State Level.