Kiba bun ki bynta jong ka ri India naduh ki bynta ba Shatei lamsepngi, ki bynta jong ka Gangetic Plain bad shduh ki thaiñ shatei lammihngi kila shahktah bha na ka jingkiew jong ka jingshit (Heatwaves) bad kane kala wanrah ia ka jingrang ryngkhiang, iathuh ka khubor na ka tnad ba dei peit ia ka mariang ka Indian Meteorological Department (IMD).
Ka jingshit ha kiba bun ki bynta kala kiew haduh 39-42 degrees Celsius kaba la tam na kipor ba ju long. Kane ka jingkiew jong ka jingshit kala ktah shibun ia ki um ki wah bad kala ktah ruh ia ki jaka rep jaka riang jong ki nongshong shnong jong kitei ki jylla. Ki stad peit mariang kila ong ba ia kane ka jingshit bad rang ryngkhiang yn lah ban pynduna tang da ka jinghap jong u slap. Kane ka tnad ka ong ruh ba u slap u lah ba hap ha kine ki khyndiat sngi ban wan ha ki katto katne ki bynta jong ka ri India.