Myn hynnin ka sngi, ka Dorbar Shnong Iooksi ka la ioh ban jied thymmai ia u Waheh Shnong jong ka naka bynta ka samoi treikam 2023-26.
Iaka jingiajied ia u Waheh Shnong thymmai la pyniaid da u Doloi ka Elaka Raliang, u Doloi C. Lyngdoh.
Ha ka jingiajied, u Ma Histokrist Pachiang, u la shah jied kum u Waheh Shnong thymmai ka shnong Iooksi Iapkhla katba ia ka kam Secretary Shnong la shah jied biang da u ma Ioanis Manar uba dei u Secretary Shnong barim.
Lah ban pynkynmaw, ba u Ma Histokrist Pachiang u la juh bat teng ruh kum u Secretary Shnong ka shnong Iooksi la kumba 3 sien kynthih.
Naka Liang u Waheh Shnong thymmai ka shnong Iooksi , u ma Histokrist Pachiang u la ai khublei kyrpang iaki paidbah Nongshong Shnong baroh kiba la ibit ia u ban long kum u Waheh Shnong thymmai jong ka shnong, ha kajuh ka por u la ai khublei ruh ia u Doloi ka Elaka Raliang ia ka jingpyniaid beit pyniaid ryntih jong u ia ka jingiajied Waheh Shnong hapoh ka shnong.