Ka Meghalaya Bharat Scouts& Guides, West Jaintia Hills mynta ka sngi shi bynta ban pynlong ia ki khun kynthei jong kane ka Movement ban tip shaphang ki hok bad ki kamram hapoh ka imlang sahlang kala pynlong ia ka Seminar halor ka phang “My Rights and Me as a Leader” Under “Her World Her Voice”.
Ia kane ka Seminar la pynlong ha Thomas Jones Synod College, Jowai hapoh ka jingpyniaid jong ka ka Dolly Lamare kaba dei ka Asstt. Organising Commissioner Guides ha kaba la sakhilang da ka Catherine Nongkseh, STC & SOC Guides, ka Dashimti Kharkongor, ASOC-Guides bad ka Shimtilang Kharbuli kaba dei ka State Project Coordinator, State Headquarter, Shillong, nalor ka Lamisaka Lytan ka Vice Principal jong ka Thomas Synod College, Jowai kum ka symbood kongsan bad u ma W. Lyngdoh uba dei u State Secretary MBS&G, State Headquarter Shillong kum u Kongsan.
Ha kane ka Seminar la wan ban iashim bynta da ki Guide Captain ha ryngkat ki khynnah Guides bad ki Rangers na ki skul bapher bapher kynthup ia ka St. Mary Mazzarello HSS, Jowai, Seinraij SS, Jowai, Little Angels School, Moosalyngkat, Jingshai Mihngi Adventist School, Mihmyntdu, Achiever Secondary School, Ummulong, Lissi Pearls School, Mukhla bad ka Thomas Jones Synod College.
Ka Rosie Bang, District Organising Commissioner Guides bad ka Shimti Nongtdu (Ranger) kila long ki nongai jingkren bad jingbatai bniah ia ki khynnah halor ka thong jong kane ka prokram kaba long shi bynta ban kyntu bad ai mynsiem ia ki ban kin tip ia ki Hok bad ki Kamram jong ki kum ki nongshong shnong kiba don ka jingkitkhlieh ia ka bha ka miat ha ka imlang ka sahlang.
