Ka jingïalehkai Cricket bala tip kum ka ‘Open to All Cricket Tournament 2023’ ba la pynïaid da ka West Jaiñtia Hills District Cricket Association Jowai, kaba la long mynta sngi saitjaiñ 22 tarik ha Madan Khliehtyrshi Mini Stadium ha kaba ka kynhun Friends United XI kala jop da 1 wicket ïa ka Ummulong Sports Club.
Haba phai sha ka jingïakhun ïaka jingkynting pisa la jop da ka Ummulong Sports Club kaba la jied ban tied nyngkong da kaba kamai 265 runs na ki 35 overs bad hap 7 wickets, kiba kamai runs khambun ki long u Rejoice Gassah 123 runs 104 balls, u Heisniawlangki Lamare 44 runs 76 balls, katba na ka liang ka Friends United XI kiba ïoh ban khur wickets ki long u Pyrkhat Sari 3 wickets na ki 7 overs bad u Pura Shadap 2 wickets 7 overs.
Haba wan ban beh ïa ka thong ka Friends United XI kala lah ban pyndep da kaba kamai haduh 268 runs na ki 33.4 overs bad duh 9 wickets, ha kaba u Kishan Lyngdoh marwei ula kamai haduh 156 runs 75 balls, katba na ka liang ka ki nongkawang bol ka Ummulong Sports Club kiba la ïoh ban khur Wickets ki long u Cameo Lamare 4 wickets naki 4 overs bad u u Wellmanson 2 wickets 7 overs.
Ïa ka nam Man of the Match mynta ka sngi la ïoh da u Kishan Lyngdoh iong ka Friends United XI.
