Ka jingïalehkai Cricket bala tip kum ka ‘Open to All Cricket Tournament 2023’ ba la pynïaid da ka West Jaiñtia Hills District Cricket Association Jowai, kaba la long mynta sngi 24 tarik ha Madan Khliehtyrshi Mini Stadium na ka liang ka kynhun ka Efty United XI kala jop da 149 runs ïaka Khliehtyrshi Sports Club.
Haba phai sha ka jingïakhun ïaka jingkynting pisa la jop da ka Efty United XI Mynso kaba la jied ban tied nyngkong da kaba kamai hadun 230 runs na ki 35 overs bad hap 6 wickets, kiba kham kamai runs ki long u Sylvester Mylliempdah 138 runs na ki 107 balls, u Sanvert Kurkalang 23 runs na ki 32 balls, katba ki nongkawang bol ka Khliehtyrshi SC kiba ïoh ban khur wickets ki long u Conard Sana 2 Wickets naki 5 overs bad u Shaniah Ryngkhlem 2 Wickets na ki 6 overs
Haba wan ban beh ïa ka thong ka Khliehtyrshi SC kala poi tang 81 runs naki 19.4 overs bad hap baroh ki wickets, u Conard Sana ula kamai marwei 56 runs na ki 54 balls, katba ki nongkawang bol Eft United kiba ïoh ban khur Wickets ki long u Sanvert Kurkalang 5 wickets naki 7 overs, u Elizer. C Dkhar 2 wickets na ki 5.4 overs bad u Kitboklang Lyngdoh 2 wicket na ki 3 overs.
Ïaka nam Man of the Match mynta ka sngi la ïoh da u Sylvester Mylliempdah jong ka Efty United XI Mynso.
