Ka Khasi Students’ Union – East Jaintia Hills District Unit, ha ka 24 tarik Ïaiong, 2023 kala leit ban sngewlem ïa kawei ka longïing kaba don ha shnong Moolamylliang, Elaka Sutnga, East Jaintia Hills District.
Kum ban shu pynkynmaw kane ka longïing kala mad ïa ka jingjia ba sngewsih bad ka jingduh bakhraw hadien ba kane ka ïing kala kem ding ha ka por shiteng miet kumba 12 baje eiei ha ka Sngi 23 tarik u Bnai Ïaiong 2023. Kane ka ïing ka la ingkhong bad inglut baroh ki jingdon jingem naduh ki jaiñkup jaiñsem ki tiar ïing kum ki pliang ki khiew ki bad kiwei kiwei de ki tiar ba don ha ïing. Kumta hadien ba ka Seng kala ïoh jingtip, mar mar kala leit ban ai jingïarap ïa kane kalongïing.
Ka Seng kala kyntu jur ïa ki bor Sorkar ba kin ai ka jingïarap kaba kham kloi ïa kane ka longïing. Ha kane ka sngi la ïalam ïa kane ka kynhun da u Samla Rangbah u Shaniahskhem Dkhar (Finance Secretary KSU EJHD Unit), u Samla Shwari Ryngkhlem (Sports Secretary KSU EJHD Unit), u Samla Senmon Siangshai Sports Secretary KSU Wapung Unit.