Ka Mizoram University ryngkat bad ka Amrita Vishwa Vidyapeetham kawei na ki University ba don ha ka kyrdan kaba 5 hapoh India kila plie ia ki ar tylli ki jaka pule kaba la tip kum ka Science, Technology and Innovation (STI) hapoh ka District Aizawl bad District Serchip jong ka jylla Mizoram hynnin ka sngi (25.04.2023).
Ia kine ki jaka pula la bei tyngka da ka Department of Science & Technology, Govt. of India. Ka jingdon jong kine ki jaka pule ka long shi bynta ban kyntiew ia ka ioh ka kot, lyngba ki jingtrei kti ba bun jait kiba pynmih da ki nongshong shnong trai ri, yn iarap ban pynsngewthuh ruh shaphang ka jingsniew jong ki jingdih pynbuaid, ka jingai jinghikai katkum ki kot ki bor jong ka juk mynta, ka jinghikai ban tip ban bam ia ki jingbam ba tei met ban iada ia ka jingkoit jingkhiah bad ruh ban kyntiew ia baroh ha ka liang ma long briew man briew.
Ia kane ka jingplie ia ki jaka pule la wan ban plie da u Lat ka jylla Mizoram u Hari Babu Kambhampati, ha ka jingialang jong ka “Mizoram Conclave on C20: Education & Digital Transformation,” kaba la pynlong da ka Civil 20 Working Group on Education and Digital Transformtion (EDT).
Kiba iadonlang ha kane ka sngi ki kynthup ia u Chief Secretary ka jylla ka Dr. Renu Sharma, u Vice Chancellor ka Mizoram University u Pravakar Rath, u Professor Lalhnilawma jong ka Mizo University, Prof Prema Nedungadi, Dr. Raghu Raman bad kiwei.
