Mynta ka sngi la sdang ia ka Chief Minister, District Level Inter School Athletic Meet, 2023 jong ka West Jaintia Hills District ha kaba ka District School Education Officer ka West Jaintia Hills District ka kong A.P. Syiem ka pynher ia ka lama sdang jong kane ka jingialehkai.
Ia kane ka jingialehkai la pynlong ha Kiang nangbah Stadium, Ladthalaboh, Jowai bad la pyniaid da ka ophis jong u District Sports Officer WJHD ha ryngkat ka jingiatreilang bad ka West Jaintia District Sports Association (WJDSA).
Ha kane ka lympung ki don haduh 31 tylli ki skul na ki bynta bapher bapher jong ka District kila wan ban iashim bynta. Ia ki jingiakhun la buh ha ki kyrdan Under-14, Under-16 bad Under-18 na ka bynta ki khynnah kynthei bad shynrang.
Mynta ka sngi la iadonlang ruh u District Sports Officer ka WJHD u ma K. Passah, u President jong ka WJDSA ma EMH Passah, u Vice President ka WJDSA u ma Patrick Lamare, ki nongtrei jong ka ophis DSO, ki dkhot ka WJDSA, ki nonghikai bad kiwei de kiba shah khot sngewbha.
