Da ki phew tylli ki jait sim Pukni ne kiba la tip kum ki Himalayan Vulture, kila wan poi ban shong thait bad wat jingbam sa ha shnong Wapung Shnong kaba hap hapoh East Jaintia Hills District, ha kine ki sngi bala dep bad kum kine ki jait Pukni kila don lypa harud jong u surok bah Jowai-Dawki ha lad Demthring, kiba haduh mynta ki dang shong sah ha katei ka jaka.
Ha ka jingiadei bad kane ka jingwan poi kine ki jait sim ha Wapungshnong na ka liang ka tnat Wildlife, kala wan sha katei ka jaka kumjuh ruh ki Biologist na Shillong ruh kila wan ban peit ia kitei ki sim Pukni. La iathuh ba kine ki jait sim ki dei kiba wan iaid lynti na kiwei pat ki jaka bad la tip ruh ia ki kum ki Himalayan Vulture.
Kine ki sim kila wan ha kane ka jaka naduh hynnin ka sngi 26.04.2023. La iathuh ruh ba kane ka jaka ba wan kine ki Pukni ka dei ka jaka ba don met iap jong ki masi bad ym lah ban tip la kine kin shong slem ne em hangne, kumba long ha ka surok bah Jowai-Dawki kiba dang sah haduh mynta.