Ka jngtlot palat jong ka Network jong ka Airtel sha ki thaiñ Pohshnong jong ka nongbah Jowai kala wanrah ka jingeh kaba khraw na ka bynta kito ki nongpyndonkam connection na kane ka company Airtel.
Na ka liang ki nongshong shnong jong kiba bun tylli ki dong kiba hap sha ki thaiñ pohshnong jong ka nongbah Jowai kila pynpaw ia ka jingbynniaw kaba khraw, namar mynta la bun bun bnai ka Airtel Network kam long shuh kaba thikna bad kane kala pyndkhot ia shibun ki kam, naduh kiba la heh la san haduh ki samla pule ruh.
Kumta ki paidbah ki buh ka jingkyntu ia ki nongpyniaid jong kane ka Company Airtel Network ba ki dei ban pynbha noh kloi kloi ia kane ka Network jong ki, khnang ba long ka jingmyntoi ia ki paidbah, lym kumta ki nongpyndonkam kim banse ban jied da kawei pat ka lynti, pynpaw ki nongshong shnong.