Ka jingïalehkai Cricket bala tip kum ka ‘Open to All Cricket Tournament 2023’ ba la pynïaid da ka West Jaiñtia Hills District Cricket Association Jowai, kaba la long ha ka 27 tarik ha Madan Khliehtyrshi Mini Stadium ha kaba ka kynhun jong ka Moodymmai Cricket Club kala jop da 2 wickets ïaka Umshangiar Sports Club.
Haba phai sha ka jingïakhun ïaka jingkynting pisa la jop da ka Umshangiar Sports Club kaba la wan ban tied nyngkong bad kamai 184 runs naki 27.3 overs bad hap lut baroh ki Wickets, kiba kamai run khambun ki long u Kunemiki Lato 34 run na ki 21 balls, u DauruLato 33 runs naki 28 balls bad u Dathrang Pariat 29 runs na ki 29 balls. Katba ki nongkawang bol ka Moodymmai kiba ïoh ban khur wickets ki long u Ribok Hynñiewta 4 wickets naki 6.2 overs bad u DaowanPassah 2 wickets na ki 5 overs
Haba wan ban beh ïa ka thong ka Moodymmai Cricket Club lah ban pyndep hapoh 33 overs da kaba kamai 189 runs bad hap 8 wickets, kiba kamai run ki long u Heimonlang Lyngdoh 29 runs na ki 47 balls, u Levester Phawa 21 runs naki 24 balls, katba ki nongkawang bol ka Umshangiar kiba ïoh khur Wickets ki long u Ebormi Laloo 4 wickets na ki 7 overs, u HeiyooRyngkhlem 2 wickets na ki 6 overs bad u Teilang War 2 wickets naki 7 overs.
Ïaka Nam Man of the Match la ïoh da u Ribok Hynñiewta ka Moodymmai Cricket Club.