Mynta ka sngi u Myntri Rangbah jong ka Jylla u Conrad K Sangma ula ioh ban pynkup burom ia ki 544 ngut ki samla pule jong ka ‘The ICFAI University’ kiba la lah ban pyndep ia ki jingpule jong ki ha ki kyrdan bapher bapher jong ka jingpynkup burom kaba 4 (4th Convocation Ceremony) kaba la pynlong ha nongbah Tura.
Haba kren sha ki samla pule Graduates bad Post Graduates jong kane ka University u Myntri Rangbah ula kdew ia ka nongrim kaba ula ju pynmlien ha ka jingim jong u. “Nga sdang ia kiwei kiwei da ka jingthmu. Nga ieit ia u dak P namar u ai ia nga ka ktien ‘Purpose’ u ai ruh ia nga ka ktien ‘Passion’ kiba pynthikna ba ngam dei ban iehnoh. Nga dei u briew uba shai shahrem barabor ha ka jingim, wat la kiba bun ki briew kim tip ia kane” la ong u myntri.
U Myntri Rangbah ula iathuh ruh ba ka jingsharem kam shym la pynduh mynsiem ia u hynrei u shim ia kane kum ka jingpynkhlaiñ bor ia u. “Wat la ngan lah ban jop ha kiba bun ki liang, hynrei nga bteng ban leh ia ki. Nga ngeit barabor ha ka bor jong ka jingduwai bad nga phai barabor sha u Blei na ka bynta kiei kiei baroh. Ula pynpaw ka jingsngewnguh ia u Blei haba ki kam ki iaid bha bad wat haba ki kam kim da iaid bha ruh, ngi dei ban don ka jingngeit barabor ha u Blei ba donbor baroh” ula ong.
U Myntri Rangbah ula kdew ruh sha u dak ‘F’ uba don ka jingiadei bad ka jingshahrem ha ka jingim jong u. U la ong ba “Ha ka sien ba phi lah ban pdien ia ka jingshahrem kan long ka jingpynkylla dur kaba khraw ha ka jingim jong phi”.
Ha kane ka sngi la iadonlang ruh u Chancellor jong ka The ICFAI University u Lt. Gen Dr. Arvinder Singh Lamba bad Vice Chanellor Dr. Alicia Gatphoh.
