Ka Wah Myntdu kadei ka wah ba basa ia baroh ka Shnong Jowai haduh mynta da ki phew phew snem, hynrei sngewsih ban iohi ia ka jingwan ki plastic, ki bitor plastic bad kiwei de ki jaboh ha baroh shilynter ka Wah. La lap ia kane tang mar sien wan u slap ki nong shong Shnong ka Jowai kila sakhi ia kane bad la iohi shilynter kane ka wah la dap sa tang ki jaboh ki ñiut bahar rukom.
Ha ka jingiadei bad kane ka jingwan kine ki ñiut ki nongialam ka seng Jaintia Student Movement (JSM), Jowai Circle, kila ong ba dei na ka daw ba ka Municipal ka khlem kit iaki niut na ki Dong ki Shnong hapoh Jowai bad dei na kata ka daw bun kiba bret pathar kat shaba lap ia ki ñiut ba kane ka la pynlong ia ka wah ban dap sa tang ki ñiut ki jaboh.
Ymlah ban klet iaka wei naki Seng treimon Sngewbha ka Khoid ka Wah Myntdu bad ymlah khlem da iaroh ia kane ka Seng ba sngewkhia shibun eh ban wad ki lad ki lynti ban weng iaka jingjakhlia bad jingtuid ki ñiut sha ka Wah. Naka liang ka JSM ka ai ka jing sngewnguh ia kane ka seng ba shim iaka jingkitkhlieh ban phah shna iaka JMB ki nala khnang ban iada iaki ñiut ban tuid shaka Wah.
Shuh Shuh naka liang ka seng ka kyrpad jur iaki nong pyniaid ka Jowai Municipal Board (JMB) ban wan kit ia ki ñiut na ki kyntoit ba dong hapoh Shnong Jowai khnang ba ki briew kin nym bret iaki kat shaba lap.