Jowai: Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai (COVID-19 positive) ha ka jylla baroh kawei ki don 59 ngut, kiba la koit na ka jingpang ki don 126 ngut katba kiba la khlad na kane ka jingshitom ki don 4 ngut. Kine ki ba khlad ki dei ki bym pat dep ai ia ka tika jingiada Covid.
Na Ri Lum Jaintia: Na East Jaintia Hills ym don ba ioh pang thymmai, ym don ki ba koit bad ba khlad mynta ka sngi. Na West Jaintia Hills pat kiba dang ngat thymmai ki don 10 ngut, kiba la koit ki don 17 ngut bad ym don ba khlad mynta ka sngi.
Katkum kane ka kaiphot ka pynpaw ba mynta ka sngi hapoh ka jylla kiba bun eh kiba ngat thymmai ha une u khniang jingpang Covid-19 ka dei ka East Khasi Hills kiba don 34 ngut bud sa ka West Jaintia Hills 10 ngut.
