U Deputy Commissioner (Supply), East Jaintia Hills District, Khliehriat ha ka jingpyllait khubor ula pyntip paidbah ba la buh dor ia ka umphniang sharak (SK Oil na ka bynta ka bhah jong u bnai April, 2023.
Ka dor die lang ha Jaintia Service Station kan long Rs.70.15/- shi litar, ha Sutnga Sub-Depot ka dor die lang la buh Rs.74.15/- shi litar. Ka dor die khutia ha Jaintia Service Station kan long Rs.72.05/- shi litar bad ha Sutnga Sub-Depot ka dor die khutia la buh Rs.76.05/- shi litar.
Ka dor die khutia na ka bynta ki dukan die rashon (FPS) kiba jngai 5 kms na ki jaka die lang yn sa buh dor da ki Vigilance Committee jong ki shnong. Kane ka hukum ka treikam mardor tad haduh ban da pynmih da kawei pat.