Semi Final lashai 2 tarik Lion Sports Youth Affairs Vs Moodymmai Cricket Club
Ka jingïalehkai Cricket bala tip kum ka ‘Open to All Cricket Tournament 2023’ ba la pynïaid da ka West Jaiñtia Hills District Cricket Association Jowai, kaba la long mynta sngi 1 tarik ha Madan Khliehtyrshi Mini Stadium na ka liang ka kynhun ka Efty United XI Mynso kala jop da 237 runs ïa ka Friends United XI.
Haba phai sha ka jingïakhun ïaka jingkynting pisa la jop da ka Efty United XI Mynso kaba la jied ban tied nyngkong, da kaba kamai haduh 278 runs naki 34 overs bad hap baroh ki wickets, kiba kamai run khambun runs ki long u Sanvert Kurkalang 117 runs na ki 77 balls bad u Daymen Shullai 43 runs naki 60 balls, na ka liang ka Friends United XI kiba ïoh ban khur wickets ki long u Puraki Shadap Passah 3 wickets naki 6 overs bad u Marshall Pariat 3 wickets na ki 7 overs.
Haba wan ban beh ïa ka thong ka Friends United XI kala lah ban kamai tang 41 runs 5 overs bad hap lut baroh ki wickets, u Deimiki Rabon 11 runs na ki 16 balls, katba ki nongkawang bol ka Efty United kiba khur bun Wickets ki long u Sanvert Kurkalang 4 wickets naki 5 overs, u Eleazer. C. Dkhar 4 wickets na ki 6 overs .
Ïaka Nam Man of the Match la ïoh da u Sanvert Kurkalang ka Efty United XI Mynso.
La pyntip ba ka jingïakhun Semi Final kaba ar kan long lashai ka sngi 02.05.2023 hapdeng ka Lion Sports Youth Affairs pyrshah ïaka Moodymmai Cricket Club.