Kiba bun ki bynta jong ka ri India kila ioh ban pynhiar mynsiem khyndiat haba ka jingshit kala kham hiar na ka jingwan jong u slap ha kine ki sngi. Ki jylla kiba kham ioh slap ha kine ki khyndiat sngi ki kynthup ia ka West Bengal, Sikkim, Uttarakhand, Telangana, Delhi NCR, Tamil Naduh, Punjab, Goa kumjuh ruh ka jinglynshop jong u slap bad phria ha ki bynta jong ka Rajasthan, Bihar bad Madhya Pradesh.
Ka tnat India Meteorological Department (IMD) kala iathuh lypa ba hapoh kine ki 5 (San) sngi kan ym don kano kano ka jingjur palat jong ka jingshit ha ki ba bun ki bynta jong ka ri India.
Ki bynta jong ka thaiñ Northeast India ba kynthup ia ka Arunachal Pradesh, Assam bad Meghalaya kin sa ioh pdiang ia u slap uba jur ha kane ka taiew.